Me 27 qershor, në Washington do të ketë diskutime për përmbylljen e dialogut Kosovë-Serbi.

Kryeministri i Kosovës Avdullah Hoti do të jetë i pranishëm në këtë takim i cili po cilësohet si një takim historik mes palës kosovare dhe serbe.

Hoti ende nuk e ka caktuar ekipin e tij, por që do të jenë 2 ose 3 persona nga Qeveria e Kosovës.

Këshilltari për media në qeverinë e Kosovës, Xhavit Beqiri  ka thënë për arbresh.info se do të jetë një ekip i ngushtë i kryeministrit Hoti që do ta shoqërojnë në Washington.

“Ende nuk është caktuar por disa nga bashkëpunëtorët e tij të ngushtë. Të mërkurën ose të enjten do të niset delegacioni i ngushtë i kryeministrit Hoti”, tha ai

Arbresh.info, merr vesh se pjesë e ekipit të Hotit do të jetë edhe një nga zëvendësministrat dhe ministri i drejtësisë, Selim Selimi, si i dërguari nga AAK-ja, për përfaqësim në dialog.

Shefi i qeverisë do të ndalet për një vizitë një ditore në kryeqendrën Evropiane, Bruksel e me pas do të udhëtojë për në ShBA.

Në Bruksel do të takohet me përfaqësuesit evropianë./arbresh.info/

Shefi i kabinetit të Thaçit tregon temat për të cilat Kosova do të diskutojë në Shtëpinë e Bardhë