Arjen Robben ka lënë të kuptohet sërish se mund t’i kthehet futbollit, mirëpo e ka bërë të qartë se nuk do të luajë për Bayern Munichun.

36-vjeçari u pensionua në fund të sezonit të kaluar, pas një karrierë të mrekullueshme duke luajtur për klube, si PSV, Chelsea, Real Madrid e Bayern.

Holandezi është stërvitur me bavarezët gjatë kësaj jave për të ruajtur kondicionin, mirëpo ka thënë se nuk ka shanse që të luajë sërish për këtë klub.

“Më duhet t’ju zhgënjej. Kthimi im te Bayerni është 100 për qind i pamundur”, ka thënë ai për Sport1.

 

View this post on Instagram

 

Look who *cut-in* to Säbener Straße! ? @arjenrobben #MiaSanMia #FCBayern

A post shared by FC Bayern München (@fcbayern) on Jun 12, 2020 at 9:03am PDT

Ndërsa kur është pyetur se a mund të fillojë të luajë sërish, është shprehur: “Kurrë nuk i dihet. Nuk dua të them po ose jo”.

Robben ka deklaruar se do të kthehet me familjen e tij në Holandë në fund të muajit, si edhe është zotuar se do t’i ruajë gjithmonë lidhjet me Bayern Munichun. /Telegrafi/