Kreu i komunës së Skenderajt, Bekim Jashari ka nënshkruar një marrëveshje mirëkuptimi me Ministrinë e Zhvillimit Rajonal për ndërtimin e një çerdheje në mes të lagjeve 2 dhe 3 në Skenderaj.

Jashari përmes një postimi në Facebook , ka thënë se ndërtimi i kësaj çerdheje do të financohet nga komuna e Skenderajt dhe Ministria e Zhvillimit Rajonal.

“Me ndërtimin e kësaj çerdhe dhe të asaj në lagjen 1 me financimin e Komisionit Evropian duke përfshirë edhe çerdhen ekzistuese “Nëna Zahide”, qyteti jonë do t’i këtë tri çerdhe dhe kështu fëmijët e qytetit tonë do të kenë vendin e duhur për edukimin dhe socializimin e tyre të mirëfilltë”, ka shkruar Jashari në Facebook./arbresh.info

Postimi i plotë:

Lajm i mirë për fëmijët e qytetit tonë!

Sapo nënshkrova marrëveshjen e mirëkuptimit me Ministrinë e Zhvillimit Rajonal, për ndërtimin e çerdhes për fëmijë në mes të lagjeve 2 dhe 3 të qytetit tonë.

Ndërtimi i kësaj çerdhe do të financohet nga Komuna dhe nga Ministria e Zhvillimit Rajonal kurse procedurat për ndërtimin e saj do të fillojnë nga java e ardhshme.

Falënderoj zv/Ministrin e MZHR-së, Bashkim Nurboja dhe sekretarin e kësaj ministrie, Fatos Qerimi, për bashkëpunimin dhe përkrahjen e dhënë.

Me ndërtimin e kësaj çerdhe dhe të asaj në lagjen 1 me financimin e Komisionit Evropian duke përfshirë edhe çerdhen ekzistuese “Nëna Zahide”, qyteti jonë do t’i këtë tri çerdhe dhe kështu fëmijët e qytetit tonë do të kenë vendin e duhur për edukimin dhe socializimin e tyre të mirëfilltë.

Vazhdojmë për ardhmërinë tonë!