Edhe mbi 1 milionë qytetarë serbë do të marrin sot nga 100 euro nga shteti si ndihmë financiare.

Kështu ka bërë të ditur presidenti i Serbisë, Aleksandar Vucic, shkruan gazeta serbe blic, transmeton arbresh.info.

Ai ka njoftuar se saktësisht gjatë ditës së sotme do përfitojnë 1 milionë e 350 mijë qytetarë.

Ndërsa deri tani rreth 4.2 milionë qytetarë serbë kanë aplikuar përmes faqes së internetit të Administratës së Thesarit ose me telefon për përfitim të kësaj shume.

Afati i fundit për aplikim është 5 qershori.

Shteti serb ka njoftuar se përveç banorëve të Serbisë për ndihmë prej 100 euro do të mund të aplikojnë edhe të gjithë qytetarët serbë që jetojnë jashtë vendit.

Ata madje u kishin premtuar edhe ndihmë nëse nuk kanë llogari të hapur në Serbi.

E, deputetët e Listës Serbe në Kuvendin e Kosovës duke falënderuar Serbinë kanë refuzuar të marrin këtë ndihmë.

“Duke pasur parasysh alokimet e mëdha që shteti ynë i Serbisë investon në fushën e Kosovës dhe Metohisë, duke krijuar kushte për mbijetesën e qytetarëve, por edhe kthimin e personave të zhvendosur në këto zona, të dhjetë deputetët e Listës Serbe heqin dorë nga 100 euro nga buxheti i Republikës së Serbisë”, thuhej në njoftim për media./arbresh.info/