Ende po bëhen vlerësime për vazhdimin gjendjes së jashtëzakonshme në Maqedoni

15:12 | 13 Maj 2020
Arbresh.info

Kryeministri teknik, Oliver Spasovsi sot deklaroi se “Qeveria ende nuk ka marrë vendim nëse gjendja e jashtëzakonshme në vend duhet të vazhdojë edhe në periudhën e ardhshme”.

Ai thotë se po bëhen analiza dhe se vlerësimi po bëhet në sipas gjendjes shëndetësore.

“Ju bëj apel të presin një ditë, dy, kur do të mbajë mbledhje qeveria dhe do të bëhet vlerësimi nëse kemi nevojë për vazhdimin e gjendjes së jashtëzakonshme”, tha Spasovski, njofton telegrafi maqedoni.

Ai shtoi se po përgatitet raporti, i cili do t’i dërgohet president Stevo Pendarovski, për gjithçka që është bërë gjatë kësaj gjendje të jashtëzakonshme. Spasovski mban qëndrimin se prioritet mbi të gjitha është shëndeti i qytetarëve dhe në bazë të kësaj po merren vendimet tjera.