Receta që portal arbresh.info sjell për ju sot, nuk duhet të mungojë në tryezën tuaj gjatë ditëve të Ramazanit.

Receta e njohur nga Lindja e Mesme ka shije dhe është shumë speciale.

Përbërësit:

2 gota qumësht
3 lugë të mëdha sheqer
2 lugë miell misri  ( niseshte)
2 lugë ujë trëndafili
Arra, mjaltë, fruta të thata sipas dëshirës

Përgatitja:

1. Hidh 2 gota qumësht të ftohtë në një tigan. Shtoni 3 lugë sheqer dhe 2 lugë niseshte. Përzieni me një lugë druri derisa të treten gjitha.
2. Zjarrin vendoseni në nxehtësi mesatare dhe përzieni qumështin deri sa të vlojë. Do të vini re që qumshti do të trashet duke u përzier. Kur të jetë trashur qumështi, shtoni ujin e trëndafilit dhe përzijeni për 2 ose 3 minuta.
3. Pudingun e fituar vendoseni nëpër enët që dëshironi dhe lëreni të ftohet në temperaturë të dhomës, dhe para se ta servoni vendoseni në frigorifer.
4. Sipër shtoni arrat, frutat e thata dhe mjaltin.
5. Ju bëftë mirë!/arbresh.info/