Ighalo zbulon kushtet e Solskjaer: Puno më shumë

19:43 | 5 Maj 2020
Arbresh Info

Sulmuesi i Manchester United, Odion Ighalo ka thënë se trajneri Ole Gunnar Solskjaer, gjithmonë kërkon më shumë.

Ighalo iu bashkua “Djajve të Kuq” gjatë afatit të janarit në formë huazimi dhe ka arritur të shkëlqejë gjatë disa paraqitjeve, transmeton portali arbresh.info.

Nigeriani ka thënë se tekniku norvegjez gjithmonë kërkon më shumë.

“Kur u transferova te United, unë mësova disa gjëra nga ai. Gjatë ndeshjeve, edhe në ndeshjen që shënova, ai me tha ‘Do të kishe shënuar nëse kishe bërë këtë ose atë'”.

“Mendoja dhe nëse do kisha bërë çfarë ai me tha, do të shënoja më shumë. Ai thotë ‘Je sulmues, provo shansin’. Pra, kam mësuar disa gjëra që t’i bëj në ndeshje”, tha Ighalo.

Thuhet se United gjatë verës do e kompletojë transferimin e Ighalo-s nga kampionati kinez./arbresh.info.