Rreth 12 mijë e 500 euro pritet t’i kushtoj një veturë komunës së Klinës.

E për katër ‘automjete të vogla’ siç  kanë quajtur ata vlera e parashikuar e kontratës është 50 mijë euro.

Kjo bëhet e ditur në njoftimin për kontratë të bërë publik në faqen zyrtare të Komisionit Rregullativ të Prokurimit Publik. Aty thuhet se komuna e udhëhequr nga Zenun Elezaj ka hapur tenderin me titull furnizim me automjete zyrtare.

Teksa thuhet se vendi i dorëzimit është Klina, nuk jepen detaje se nga kush do të përdoren veturat.

Aty janë cekur edhe kushtet e pjesëmarrjes derisa si rrallëherë ofrimi i çmimit më të ulët nuk është kiter për dhënie të tenderit. Përparësi do t’i jepet tenderit ekonomikisht më të favorshëm që 50% përfshin çmimin, 30% shpenzimet e derivateve ne 100 km dhe 20% servisimin e rregullt me të gjitha shpenzimet full servismi çdo 10 000 km në vit.

Afati i fundit për pranim të tenderëve / aplikacioneve është data 29.05.2020,e po atë ditë do të bëhet edhe hapja e tenderëve./arbresh.info/