Organizata Botërore e Shëndetit (OBSH) ka thënë se nuk ka dëshmi momentalisht që njerëzit e shëruar nga Covid-19 të kenë antitrupa që i mbron nga infektimi i dytë me koronavirus.

Në një përmbledhje shkencore, agjencia e Kombeve të Bashkuara paralajmëroi qeveritë kundër lëshimit të “pasaportave të imunitetit” ose “certifikata pa rrezik” për njerëzit që janë infektuar pasi saktësia e tyre nuk mund të garantohej, transmeton portali arbresh.info.

Praktika në të vërtetë mund të rrisë rreziqet e përhapjes së vazhdueshme pasi njerëzit që janë rikuperuar mund të injorojnë këshillat për marrjen e masave paraprake standarde kundër virusit, tha ai.

“Disa qeveri kanë sugjeruar që zbulimi i antitrupave te SARS-CoV-2, virusi që shkakton COVID-19, mund të shërbejë si bazë për një “pasaportë imuniteti” ose “certifikatë pa rrezik” që do t’u mundësonte individëve të udhëtojnë ose të kthehen në punë duke supozuar se janë të mbrojtur nga ri-infeksioni”, OBSH tha.

Kili tha javën e kaluar se do të fillojë shpërndarjen e “pasaportave shëndetësore” për njerëzit që mendohet se janë shëruar nga sëmundja. Pasi të kontrollohet për të përcaktuar nëse ata kanë zhvilluar antitrupa për t’i bërë ata imun ndaj virusit, ata menjëherë mund të ribashkohen në fuqinë punëtore./arbresh.info/