Atetico Madrid i ka ofruar kontratë të re mesfushorit, Thomas Partey në mënyrë që ky i fundit të refuzojë Arsenal-in.

Trajneri i “Topçinjve”, Mikel Arteta dëshiron të transferojë mesfushorë kreativ në “Emirates” dhe Partey i prinë listës, transmeton portali arbresh.info.

Thuhet se Arsenal është në kontakte që dy muaj me agjentin e Partey, për një transferim të mundshëm gjatë verës.

Sipas Guardian, Atletico për të mos e lejuar këtë transferim i ka ofruar kontratë të re lojtarit, kontratë në të cilën pagesa e këtij të fundit do dyfishohet, ndërsa klauzola e tij do bëhet 100 milionë euro.

Partey momentalisht fiton 65 mijë euro në javë dhe me kontratën e re do të fitojë 130 mijë euro, pagesa e cila do ta bëjë lojtarin më të paguar në klub.

Kontrata momentale i skadon pas tri vite./arbresh.info.