Machar tha se një individ 29-vjeçar, i ardhur nga Holanda, u testua pozitiv ndaj koronavirusit të ri

Zv/presidenti i Sudanit të Jugut, Riek Machar, ka njoftuar rastin e parë të konfirmuar me koronavirusin e ri (COVID-19).

Machar tha se një individ 29-vjeçar, i ardhur nga Holanda, u testua pozitiv ndaj koronavirusit të ri. Ai tha se pacienti mbërriti në vend më 28 shkurt dhe u testua pozitiv më 2 prill.

Kreu i Misionit të Kombeve të Bashkuara (OKB) në Sudanin e Jugut, David Shearer, tha se pacienti është vendosur në karantinë dhe se gjendje shëndetësore e tij është e qëndrueshme.

Më tej, Shearer tha se të gjithë individët që kanë kontaktuar me pacientin janë nën monitorim.

Sudani i Jugut më herët njoftoi kufizimin e lëvizjes së lirë të qytetarëve në kuadër të masave kundër koronavirusit dhe mbylli venkalimet kufitare të vendit.

Pasi u shfaq për herë të parë dhjetorin e kaluar në Wuhan të Kinës, koronavirusi është përhapur në mbarë botën dhe bazuar në të dhënat e Universitetit John Hopkins me bazë në SHBA numri i të vdekurve nga ky virus është mbi 67 mijë, ndërsa numri i të infektuarve mbi 1.2 milionë. Po ashtu rreth 253 mijë janë shëruar pas trajtimit./AA