Sulmuesi Willian ka konfirmuar se do largohet nga Chelsea kur kontrata t’i skadojë në fund të sezonit.

Brazilianit i skadon kontrata në qershor, por për shkak të suspendimit të Premierë Ligës do jetë në “Stamford Bridge” deri të përfundojë sezoni, transmeton portali arbresh.info.

31-vjeçari ka konfirmuar se do largohet nga “Blutë” sepse dëshiron të rinovojë për tri vite, kurse gjiganti anglez i ka ofruar vetëm dy.

“Të gjithë e dinë se kontrata ime skadon në muajt e ardhshëm dhe rinovimi është i vështirë”.

“Mendoj se do jetë vështirë për mua ta rinovojë, ngase dua tri vite më shumë dhe Chelsea me ka ofruar vetëm dy”.

“Në këtë moment nuk është e vendosur çfarë do ndodh, por jam i lirë të negociojë me skuadrat e tjera”, deklaroi ai për FOX Sports.

Për Willian ka interesim për Barcelona dhe Arsenal./arbresh.info.