Qeveria Maqedonisë vendos që Komuna e Kumanovës nga sot të hyjë në karantinë.

Nga sonte prej orës 21:00 deri të hënën në orën 05:00 të mëngjesit Kumanova do të jetë në karantinë, deklaroi nënkryetari i LSDM-së, Muhamed Zekiri.

Ndërsa çdo ditë tjetër nga ora 16:00 deri në orën 05:00 të mëngjesit Kumanova gjithashtu do të jetë e bllokuar. Praktikisht do të vlejë ora policore për këtë rajon më herët nga rajonet e tjera.

Megjithatë, pavarësisht kësaj të gjithë ata që kanë leje për të shkuar në vendet e tyre të punës do të mund të lëvizin pa ndonjë problem. Vlejnë të njëjtat rregulla të parapara për orën policore.

Më herët Shtabi komunal i krizës në këtë qytet ka kërkuar veprim të menjëhershëm futjen e qytetit në karantinë të plotë me protokolle të përcaktuara saktësisht për sjelljen e institucioneve, qytetarëve dhe personave juridikë me pika kontrolli në hyrje dhe dalje të qytet si dhe masa më rigoroze për kufizim.

Deri më sot në Komunën e Kumanovës janë regjistruar 85 persona të infektuar me coronavirus