Nëse mendoni se kilet e tepërta janë problemi më i madh i femrave, gaboni. Të kesh yndyrë të akumuluar vetëm në një pjesë të trupit, ky është problem.

Mund të keni kofshë elegante, por barku ua prish, apo e kundërta, bukuria e një beli të hollë e të sheshtë duket se ventiet para këmbëve të shëndosha e me celulit.

Nëse kilogramët e tepërt nuk janë të shpërndarë njëtrajtësisht në trupin tuaj, duhet të tregoni kujdesin e duhur që të eleminoni vetëm yndyrën e tepërt.

Nëse akumuloni masë dhjamore vetëm rreth zonës së vitheve dhe kofshëve, ja ushqimet që duhet të keni parasysh për të rënë në peshë:

Hirrë: Ka veti probiotike dhe ndihmon në rritjen e baktereve të shëndetshme në zorrë. Bakteret e mira në zorrë ndihmojnë në tretjen e shpejtë të ushqimit dhe ndihmojnë trupin në absorbimin e vitaminave dhe lëndëve të tjera ushqyese në mënyrë efikase. Hirra ju pastron trupin dhe rrit metabolizmin gjithashtu.

Çaji jeshil: Është i pasur me antikosidantë që përshpejtojnë metabolizmin dhe ju ndihmojnë të bini në peshë. Çaji jeshil ju ndihmon në luftën kundër celulitit gjithashtu.

Lëng rrushi: Është i pasur me antioksidantë të cilët mund të konvertojnë qëlizat yndyrore në muskul. Ai rregullon nivelet e insulinës dhe përshpejton metabolizmin. Duhet të pini lëng rrushi të freskët pa ëmbëlsues.

Qumështi: Pini një gotë qumësht të ngrohtë çdo mëngjes apo darkë. Proteinat e qumështit ndihmojnë në rritjen e masës muskulare. Zgjidhni qumësht të skremuar me pak yndyrë.