Ambasada e Shteteve të Bashkuara të Amerikës (SHBA) në Kosovë, u bën thirrje të gjithë liderëve politikë që të lënë anash dallimet politike dhe të fokusohen në nevojat e qytetarëve , në këtë kohë kur koronavirusi ka prekur disa persona edhe në Kosovë./arbresh.info

DEKLARATË NGA AMBASADA E SHBA-ve NË PRISHTINË

Virusët nuk njohin kufi. Tani nuk është koha për të lejuar që dallimet politike vendore dhe rajonale të mos lejojnë që ti ndihmojmë njëri-tjetrin në këtë kohë të nevojës kolektive. Siç edhe ka thënë Presidenti Trump rishtazi: “Të gjithë ne jemi në këtë së bashku. Ne duhet ta lëmë politikën mënjanë, ta ndërprejmë mendje-ngushtësinë, dhe të bashkohemi gjithë së bashku si një komb dhe një familje. E ardhmja jonë mbetet më e ndritshme sesa mund të imagjinohet. Duke vepruar me dhembshuri dhe dashuri, ne do të shërojmë të sëmurët, do të kujdesemi për ata në nevojë, do t’i ndihmojmë bashkëqytetarët tanë dhe do të dalim nga kjo sfidë më të fortë dhe më të unifikuar se kurrë më parë.

Ne i bëjmë thirrje të gjithë liderëve lokal dhe ata në rajon që ti lënë mënjanë dallimet politike dhe të përqëndrohen në nevojat e qytetarëve të tyre. Të punosh së bashku dhe të mbështesësh njëri-tjetrin është përgjigjja ndaj kësaj sfide.