Si Kosova, po ashtu Serbia e kanë për obligim që të jenë pjesë e dialogut të iniciuar nga Bashkimi Evropian.

Pavarësisht së sa kanë simpati ndaj kësaj organizate të dy vendet, me rezolutën e asamblesë së përgjithshme të OKB-së në vitin 2010 e kanë pranuar këtë gjë.

Kështu thotë në një deklarata për arbresh.info, Gazmir Raci, njohës i çështjeve politike në vende.

“ Me rezolutën e asamblesë së përgjithshme të OKB-së, Bashkimi Evropian u autorizua në shtator të 2010 me lehtësu dialogun mes Kosovës e Serbisë, kështu që të dy vendet e kanë obligim të marrin pjesë në këtë proces. Kosova pastaj ka marrëveshje për stabilizim asocim të nënshkruar  si marrëveshje ndërkombëtare dhe më këtë marrëveshje Kosova është e obligueshme me u sill si fqinjë i mirë, dhe mi kontribu paqes në rajon”.

Duke komentuar deklaratat e fundit të Presidentit Hashim Thaçi rreth angazhimit të BE-së në dialog me Serbinë, Raci thotë se deklaratat e Presidentit janë më shumë metodë për presion për heqjen e vizave.

“Ato munden më qenë si metoda të presionit drejt BE-së për liberalizim të vizave”.

E për dallim nga Raci, shprehjen e pakënaqësisë ndaj BE-së nga presidenti Thaçi e arsyeton Flurim Arifi.

Sipas tij mos përmbushja e premtimeve të dhëna deri tash nga BE-ja janë fakte që Presidenti të shpreh zhgënjimin ndaj tyre.

Por, ai vlerëson se duhet të kemi kujdes me relacionin dhe gjuhën që e përdorim ndaj tyre.

“Mirëpo pavarësisht  pakënaqësive tona eventuale me përfaqësuesit e BE-së, ne si Kosovë duhet të kemi kujdes me relacionet apo gjuhën të cilën e  përdorim ndaj tyre. Tek e fundit qëllimi ynë kryesor si shtet është anëtarësimi në BE”.

Presidenti Thaçi ka ashpërsuar gjuhën karshi Bashkimit Evropian si ndërmjetësuese e dialogut me Serbinë.

E fundit dhe më e ashpër ishte deklarimi i tij të martën kur pas një takimi që kishte më emisarët gjermano-francez, Presidenti tha së në raste se s’ka heqje të vizave për qytetaret e Kosovës atëherë ai vetë si President nuk do të ulet në tavolinën  e diskutimit në Bruksel./V.selimi/arbresh.info/