Komiteti Ekzekutiv i Federatës së Futbollit të Kosovës ka bërë të ditur se e mbështet plotësisht kryetarin e Federatës, Agim Ademin, përkundër konfirmimit të dënimit të tij nga Gjykata e Apelit, duke e cilësuar dënimin e tij si të padrejtë.

Në fund të muajit të kaluar, Gjykata e Apelit e vërtetoi dënimin prej nëntë muajsh burg efektiv, që gjykata e shkallës së parë, kishte shqiptuar ndaj kryetarit të Federatës së Futbollit të Kosovës (FFK), Agim Ademi.

Përkundër këtij dënimi, Komiteti Ekzekutiv i FFK-së ka bërë të ditur se e mbështet plotësisht Ademit, përkundër këtij dënimi.

“KE analizoi edhe çështjen e dënimit të presidentit Agim Ademi nga ana e Gjykatës së Apelit, duke konsideruar se dënimi i tij është i padrejtë”, thuhet në njoftimin e publikuar nga Federata e Futbollit e Kosovës.

Komiteti Ekzekutiv i FFK-së mbështet Agim Ademin, përkundër dënimit nga gjykata

Komiteti Ekzekutiv i Federatës së Futbollit të Kosovës ka bërë të ditur se e mbështet plotësisht kryetarin e Federatës, Agim Ademin, përkundër konfirmimit të dënimit të tij nga Gjykata e Apelit, duke e cilësuar dënimin e tij si të padrejtë.

Në fund të muajit të kaluar, Gjykata e Apelit e vërtetoi dënimin prej nëntë muajsh burg efektiv, që gjykata e shkallës së parë, kishte shqiptuar ndaj kryetarit të Federatës së Futbollit të Kosovës (FFK), Agim Ademi, transmeton Gazeta Express.

Përkundër këtij dënimi, Komiteti Ekzekutiv i FFK-së ka bërë të ditur se e mbështet plotësisht Ademit, përkundër këtij dënimi.

“KE analizoi edhe çështjen e dënimit të presidentit Agim Ademi nga ana e Gjykatës së Apelit, duke konsideruar se dënimi i tij është i padrejtë”, thuhet në njoftimin e publikuar nga Federata e Futbollit e Kosovës.

“KE me unanimitet të plotë i dha përkrahje presidentit që të vazhdojë të ndjekë rrugët ligjore të lejueshme për ta zbardhur rastin deri në instancën e fundit – Gjykatën Supreme”.

“Ndërsa, presidenti Ademi e falënderoi për përkrahjen e vazhdueshme KE-në dhe deklaroi se do të ndjekë rrugën ligjore të lejuar deri në verdiktin e fundit dhe çfarëdo qoftë ai do t’i bindet dhe do të jetë në koordinim me KE-n, UEFA-n e FIFA-n dhe delegatët përkrahës, si dhe do t’i njoftojë për të gjithë hapat e mëtejmë”.

Në po të njëjtin njoftim u bë e ditur se gjatë mbledhjes së Komitetit Ekzekutiv u diskutua edhe për rrjedhën e kampionatit të Kosovës.

“Komiteti Ekzekutiv i FFK-së, sot, mbajti mbledhjen e vet të radhës, nën drejtimin e presidentit Agim Ademi, ku diskutoi për shumë çështje me rëndësi për futbollin e Kosovës”, thuhet në po të njëjtin njoftim.

“KE analizoi rrjedhën e garave në Ipko Superligë dhe rangjet tjera duke konstatuar se deri më tani garat po rrjedhin mirë e me dinamikën e paraparë me disa raste të kontestuara, edhe për faktin se kampionati po hynë në fazën finale”.

“KE u kërkon Komisioneve të FFK-së që të punojnë me seriozitet dhe profesionalizëm dhe të marrin masat e duhura ndëshkimore pa përjashtim, sikur që KE do t’u dalë në mbrojtje të gjithë atyre që atakohen pa të drejtë”.