Me rastin e 22-vjetorit të Epopesë së UÇK-së, është organizuar parakalimi i trupave të Forcave të Sigurisë së Kosovës.

Në këtë ceremoni ka marrë pjesë presidenti Hashim Thaçi, kryetarja e Kuvendit Vjosa Osmani, kryeministri Albin Kurti, e lider të rëndësishëm të Kosovës, shkruan arbresh.info.

I pari i vendit, Hashim Thaçi  tha se heroizmi i Jaharëve zgjoi kosovarët dhe botën.

“Gjendemi në ushtrinë e Kosovës, në kazermën ‘Adem Jashari’ për të nderuar ushtrinë e Kosovës. Heroizmi i Jasharëve zgjoi dhe mobilizoi botën shqiptare, i vuri në punë të gjithë  diplomacinë botërore për Kosovën”, tha Thaçi.

Ai shtoi se i është mirënjohës ShBA-ve dhe vendeve perëndimore.

“Kosova u shlirua, me sukses kaloi fazën e tranzicionit, u konsoliduam si shtet, Kosova është skorie e suksese dhe secili qytetarë duhet të ndjehet mirë dhe krenar për kontribut. Jemi vend i paqes dhe stabilitetit, Kosova do të jetë përjetë mirënjohëse  shteteve perëndimore të SHBA-ve”, shtoi Thaçi.

Thaçi tha gjithashtu se Kosova është vend i paqes por do t’i përgjigjen çdo kërcënimi.

“Ata qe kërcënojnë Kosovën duhet të dinë se nuk rrezikojnë vendin tonë por përgjigjen do ta këna nga Kosova në vendin  e tyre”, tha ndër të tjera Thaçi./arbresh.info/