Zëvendësministri iranian që u infektua me koronavirus, mban fjalim brenda karantinës

16:05 | 26 Shkurt 2020
Arbresh Info

Zëvendësministri iranian i Shëndetësisë, Iraj Harirchi, i infektuar me coronavirus, është zotuar se qeveria e vendit të tij do ta vë nën kontroll situatën pas shpërthimit të virusit vdekjeprurës.

Harirchi ka mbajtur një fjalim nga dhoma e spitalit nga ku ka thënë se “do të jetë një fitore në luftën kundër virusit”, e pamjet e këtij fjalimi janë filmuar brenda karantinës

Kujtojmë që një ditë më herët gjatë një konference për media Harirchi, djersitej vazhdimisht, kollitej si dhe vërehej plogështia në fytyrën e tij, e pamjet u bën virale brenda pak momenteve.

Numri i të vdekurve nga coronavirusi në këtë vend deri më tani ka shkuar në 19, kurse 139 tjerë konsiderohen si të infektuar, por ekspertët pretendojnë se numri i të vdekurve mund të jetë shumë më i madh – kjo për faktin se autoritetet e vendit po mundohen ta fshehin të vërtetën. /Telegrafi/