Një vetëvrasje ka ndodhur pasditen e së dielës në qytetin e Gjakovës.

Një person i moshës 80-vjeçare është gjetur i varur në litar në shtëpinë e tij në qytetin e Gjakovës.

Këtë e ka konfirmuar për arbresh.info, zëdhënësja e Policisë së Kosovës për rajonin e Gjakovës, Lirije Podrimaj-Beqiraj, e cila shtoi se 80-vjeçari është gjetur nga familjarët e tij.

“Me datë 23.02.2020 në ora 17:05, stacioni policor Gjakovë ka marr informacion se një person mashkull/ kosovar/ shqiptar i moshës 80-vjeçare është gjetur nga familjarët e tij i varur në litar në shtëpinë e tij”, ka treguar Podrimaj-Beqiraj për lajmi.net.

Tutje ajo ka bërë të ditur se ekipi mjekësor e ka konstatuar vdekjen e tij dhe se trupi i pajetë është dërguar në Institutin e Mjekësisë Ligjore në Prishtinë.

“Në vendin e ngjarjes kanë dal të gjitha njësitet relevante edhe ekipi mjekësor të cilët kanë konstatuar vdekjen e viktimës. Në lidhje me rastin është njoftuar prokurori i shtetit i cili së bashku me Hetimet Rajonale kanë dal në vendngjarje. Me urdhër të prokurorit trupi i viktimës dërgohet në Institutin e Mjekësisë Ligjore ne Prishtinë”, ka deklaruar Podrimaj-Beqiraj. /arbresh.info/

FOTO: ILUSTRIM