Të enjten do të jetë seanca e parë parlamentare e thirru nga kryesia e re e Kuvendit të Kosovës.

Në këtë seancë që për herë të parë do të udhëhiqet nga Vjosa Osmani temë e diskutimit do të jetë miratimi dhe votimi i 14 komisioneve parlamentare.

Kështu bëri të ditur Vjosa Osmani, Kryetare e parlamentit të Kosovës pas përfundimit të mbledhjes së kryesisë së Kuvendit, raporton arbresh.info

Osmani tregoj se për votimin e zvogëlimit të komisioneve parlamentare do të nevojiten 2/3 e deputeteve.
Ndërsa tregoj edhe se si është bërë ndarja e komisioneve për parti duke përfshirë edhe PDK-në ndonëse sot bojkotoj mbledhjen.

“Vendosem më unanimitet të anëtareve që të përcjellim për seancën e radhës të enjten konstituimin e Komisioneve parlamentare. Do të jenë gjithsej 14 komisione. U bë përzgjedhja sipas formulës partisë PDK-së i kanë mbetur 3 komisione më të rëndësishme ndërsa partitë e tjera kanë bërë përzgjedhjen sipas radhës e formulës. Është bërë edhe përzgjedhja e nënkryetareve. Nga grupet parlamentare është kërkuar që deri të mërkurën të dërgohen edhe emrat e anëtareve. U vendos që të enjten të jetë seanca e radhës. Komisioni për diasporë nga AAA për integrim evropian nga LDK, komisioni për arsim nga LDK , komisioni për buxhet nga VV, komisioni për ekonomi nga NISMA , komisioni për shendetsi nga AAK, komisioni për të drejta të njeriut nga 6+, komisioni për AKI-në nga PDK”.

Kryetarja Osmani madje pati përgjigje edhe për PDK-në dhe bojkotin e tyre.

Sipas saj kjo parti kanë tjetër problem e jo foton e Presidentit Thaçi.

“Nuk ka një vendim për heqje të fotove secili që ka qenë në kabinetin tim e finë shumë mirë se fotoja vetëm është zhvendosur. Kjo temë është e mbyllur PDK e ka bojkotuar punën që nga 3 shkurti kur u votua Qeveria e Kosovës, bojkoti i tij është politik dhe s’ka të bëjë më këto tema që po i përdorin. Pse e bëjnë këtë bllok politik është çështje që duhet ata të tregojnë. Deputet e opozitës më shumë se sa detyrim ndaj kuvendit kanë detyrim ndaj qytetarëve të cilët e kanë votuar”./arbresh.info/

https://www.facebook.com/arbresh.info/videos/2841142565954336/