Matteo Guendouzi ka folur për ditët e para të kohës kur ai u transferua tek skuadra e Arsenal.

Mesfushori francez ka pranuar se kur në fillim iu bashkua skuadrës së Arsenal, askush nuk e njihte atë.

Megjithatë, me kohën që kaloi, Guendouzi arriti të krijonte një imazh të mirë, dhe tashmë është i kënaqur edhe me presionin me të cilin po përballet.

“Tifozët presin gjëra të tjera nga unë tani. Në fillim, vitin e kaluar, unë erdha si lojtar i ri, i cili ishte i panjohur” ka thënë Guendouzi, transmeton lajmi.net.

“Pastaj, loja e mirë nga fillimi i vitit të kaluar ishte diçka e re por unë isha akoma i ri si lojtar. Tani, unë kam treguar se për çfarë jam i aftë. Iu kam treguar tifozëve se mund t’i ndihmojë ata. Kështu që, është normale që ata të presin më shumë nga unë” shtoi francezi.

Guendouzi luante në Ligue 2 të Francës para se të kalonte tek Arsenal, këta të fundit të cilët kishin paguar rreth 7 milionë funte për lojtarin.