Trajneri, Mauricio Pochettio ende nuk është në stolin e ndonjë skuadre që prej kohës kur u shkarkua nga Tottenham.

Sipas The Telegraph, puna e ardhshëm për teknikun argjentinas do të jetë në Spanjë ose Angli, transmeton portali arbresh.info.

Pochettino shihet si zëvendësimi i duhur për Diego Simeonen te Atletico Madrid.

Simeone është që tetë vite te “Los Rojiblanco” dhe ka fituar titullin e La Ligas,  dy herë Evropa Ligën dhe ka arritur dy herë në finale të Ligës së Kampionëve, por ka dështuar të fitojë.

Mirëpo, këtë sezon ka dështuar të tregojë formën e duhur sepse është eliminuar nga Kupa e Mbretit derisa është mposhtur nga rivali, Real Madrid në Superkupën e Spanjës.

Transferimet e shtrenjta si Joao Felix nuk janë duke mundur të punojnë nën urdhrat e Simeone, i cili pëlqen formacionin defansiv me kundërsulme.

Nga ana tjetër, Pochettino pëlqen më shumë stilin sulmues, andaj thuhet se është i duhuri për ta rikthyer skuadrën madrilene në formën e duhur. /arbresh.info.