Facebook ka kërkuar falje pasi faqja përktheu emrin e liderit kinez Xi Jinping në ‘Shit-hole’.

Postimet në platformën e mediave sociale ishin përkthyer nga birmanishtja në anglisht pasi Presidenti Xi Jinping vazhdoi vizitën e tij shtetërore në Myanmar, Azia Juglindore.

Facebook kërkoi falje për çdo shkelje të shkaktuar dhe tha se problemi tani është fiksuar.

Gabimi doli në dritë në ditën e dytë të vizitës së liderit kinez gjatë së cilës ai dhe këshilltari shtetëror Aung San Suu Kyi nënshkruan dhjetëra marrëveshje që mbulojnë planet masive të infrastrukturës të mbështetur nga Pekini.

Një deklaratë në lidhje me vizitën e publikuar në faqen zyrtare të Suu Kyi në Facebook i ishte referuar liderit kinez si ‘shit-hole’ kur u përkthye në anglisht.

Nuk ishte e qartë se sa zgjati kjo çështje, por funksioni i përkthimit i Google nuk tregoi të njëjtin gabim.

Në një deklaratë, një zëdhënës për Facebook tha: ‘Ne kemi rregulluar një çështje në lidhje me përkthimet nga Birmanisht në Anglisht në Facebook dhe jemi duke punuar për të identifikuar shkakun për të siguruar që të mos ndodhë përsëri.

Facebook në të kaluarën ka hasur probleme të shumta me përkthimin nga Birmanishtja.

Në 2018 ai përkohësisht hoqi funksionin pasi një raport tregoi se mjeti po prodhonte rezultate të çuditshme. /Telegrafi/