Shkalla e lindjeve në Kinë ka rënë në nivelin më të ulët që nga formimi i Republikës Popullore të Kinës 70 vjet më parë, përkundër lehtësimit të politikës së shumë-kritikuar me një fëmijë.

Shkalla e lindshmërisë ishte 10.48 për 1,000 më 2019, më e ulëta që nga 1949, bën të ditur Byroja Kombëtare e Statistikave, transmeton portali arbresh.info.

Numri i foshnjave të lindura më 2019 ra me 580,000 në 14.65 milionë.

Shkalla e lindjeve e vendit ka rënë me vite – duke paraqitur një sfidë për ekonominë e dytë më të madhe në botë.

Megjithë rënien e nivelit të lindjeve, një normë më e ulët vdekjeje do të thoshte që popullsia e Kinës arriti 1.4 miliardë në 2019, duke u rritur nga 1.39 miliardë.

Por niveli i lindjes në rënie po rrit frikën për një “bombë demografike” – domethënë, një popullsi më e vogël në moshë pune duhet të mbështesë një popullsi më të madhe, në pension.

Shkalla e lindjeve e Kinës është më e ulët se SHBA-ve, e cila qëndroi në 12 për 1000 persona në 2017 (të dhënat më të fundit në dispozicion), por më e lartë se shifra 8 e Japonisë.

Shkalla e përgjithshme e lindjeve globale ishte 18.65 në 2017, sipas Bankës Botërore.

Në 1979, qeveria kineze futi politikën “një fëmijë” mbarëkombëtar – me përjashtime të ndryshme – për të ngadalësuar rritjen e popullsisë./arbresh.info/