Kryesuesi i komitetit ushtarak të NATO-s, Stewar Pich, gjatë vizitës së parë të tij në Maqedoni, me ftesë të komandantit, Vasko Gjyrçinovski, sot mori pjesë në shtabin e armatës dhe Ministrisë së Mbrojtjes, ku u takua edhe me ministren e Mbrojtjes, Radmilla Sheqerinksa.

Gjatë takimit mes Gjurçinovskit dhe marshal Steward Pich, u bisedua për proceset që po ndërmerren para anëtarësimit në NATO, përkrahjen e organit më të lartë ushtarak të NATO-s si dhe për konferencën e Komititeti Ushtarak që do të mbahet javën e ardhshme në Bruksel, përcjell Telegrafi Maqedoni.

“Ministrja Sheqerinska theksoi se zhvillimi pozitiv i ngjarjeve në Spanjë do të mundësojë që vendi në kohë ta ratifikojë protokollin për hyrje në aleancë. Kryesues i Komitetit Ushtarak të NATO-s, Steward Pich, përshëndetoi reformat në transformimin e armatës dhe theksoi përkrahjen e mëtejshme të planit për trajnim dhe ushtrime”, thuhet në njoftim.