Kryetari i Lëvizjes Vetëvendosja, Albin Kurti në intervistën për emisionin “360 gradë” në RTV Ora ka folur edhe për familjen e tij. Ai ka një grua nga Norvegjia, për të cilën thotë se e kupton shumë mirë gjuhën shqipe, por nuk mund ta flasë. Kurti ka edhe një vajzë, e cila ka dy nënshtetësi, kosovare dhe norvegjeze.

Artur Zheji: Çfarë gjuhe flisni me gruan tuaj?

Albin Kurti: Flas herë shqip dhe herë anglisht, por më shumë anglisht se shqip.

Artur Zheji: Pse ka ankesa që zonja ka kaq vite që është me ju dhe nuk flet shqip?

Albin Kurti: Ajo e kupton gjuhën shqipe, tekstin e kupton plotësisht…

Artur Zheji: Por nuk ka guximin të flasë…

Albin Kurti: I ka rënë në një moshë shumë madhore të mësojë gjuhën shqipe. Sa më shumë që biseda zhvillohet në gjuhën standarde aq më shumë kupton dhe aq më saktë përgjigjet. Ka qenë në një kurs në Tiranë para disa viteve. Mësuesen e gjuhës shqipe e ka nga Tirana atje. Atje pati ndjekur një kurs për të mësuar gjuhën shqipe.

Artur Zheji: I ka letrat e Kosovës?

Albin Kurti: Jo nuk i ka letrat e Kosovës, ka vetëm nënshtetësinë e Norvegjisë, sepse nuk ka mundësi për dy shtetësi. Dy shtetësi ka vajza ime e cila ka lindur në spitalin e Prishtinës dhe ka edhe nënshtetësi të Kosovës, edhe të Norvegjisë.