Lideri i Lëvizjes Vetëvendosje ka komentuar kërcënimin që i është bërë nga anëtari i Nismas Socialdemokrate, Haxhi Hoti.

Kurti, tha se janë organet e sigurisë ato të cilat merren me këtë rast.

“Për besë janë organet e sigurisë, që i  vlerësojnë këto gjëra, mirëpo ashtu siç unë nuk jam John Kenedy, nuk është as ai person Lee Harvey Osëald, prandaj nuk mendoj që është një gjë e rëndësishme”, u shpreh Kurti, duke mos dashur të flas më shumë për këtë çështje.

Ndryshe, kandidati për deputet nga radhët e partisë, Nisma Socialdemokrate, Haxhi Hoti  është arrestuar mëngjesin e sotëm për veprën penale “Shtytje në vrasje”, kjo pasi që ai mbrëmë përmes një shkrimi në “Facebook” dyshohet se kërcënoi publikisht liderin e Lëvizjes Vetëvendosje, Albin Kurtin.

Prokuroria Themelore në Prishtinë  ka konfirmuar se ndaj Hotit është caktuar masa e mbajtjes për 48 orë./arbresh.info