Manchester City është vendosur të garojë me rivalët e Manchester Unitedit për të nënshkruar me talentin anglez, Jadon Sancho.

Sulmuesi 19-vjeçar kaloi dy sezone në akademinë e Cityt pas largimit nga Watford në vitin 2015.

Megjithatë, City nuk i dha hapësirat e nevojshme dhe Sancho para dy sezonet kaloi te Borussia Dortmundi për rreth tetë milionë euro.

Sipas gazetës Bild, drejtuesit e klubit nga Old Trafford tashmë janë takuar me shefat e Borussia Dortmund për të diskutuar një transferim.

Por, Unitedi nuk është skuadra e vetme e Mançesterit që është e interesuar për nënshkrimin e Sanchos, pasi interesim ka shprehur edhe City.

Të dy klubet do të duhej të paguanin mbi 100 milionë funte për 19-vjeçarin, i cili ka shënuar 18 gola në 69 paraqitje dhe 30 asistime me klubin verdhë e zi.

Këtë sezon, Sancho ka shënuar tre herë dhe ka asistuar gjashtë herë në tetë ndeshjet e tij.