Granit Xhaka largon foton me fanellë të Arsenalit në rrjete sociale

16:43 | 29 Tetor 2019
Arbresh Info

Granit Xhaka ka pushtuar kryetitujt pas ndeshjes të së dielës në Emirates.

Mesfushori kosovar ofendoi rëndë tifozët e klubit gjatë barazimit 2 me 2 ndaj Cryal Palaces derisa ishte duke u larguar nga fusha për zëvendësim pasditen e së dielës, shkruan portali arbresh.info.

Teksa refuzon të kërkojë falje, 27-vjeçari ka bërë një tjetër hap që mund t’i kushtoj rëndë.

Reprezentuesi i Zvicrës ka larguar foton me fanellë të Arsenalit në llogarinë e tij zyrtare në rrjetin social Instagram duke e zëvendësuar atë me një foto gjatë detyrës me skuadrën kombëtare.

Xhakës i ka dal në mbrojtje Federata e Futbollit të Zvicrës duke konfirmuar se lojtari do të vazhdojë të mbetet kapiten e tyre.

Unai Emery i ka bërë thirrje për të kërkuar falje publike ndërkohë që ka konfirmuar gjithashtu se nuk do të luaj në ndeshjen e nesërme ndaj Liverpoolit./arbresh.info/