Interi siguron fitoren e parë në LK këtë edicion, mposhtë Dortmundin

22:53 | 23 Tetor 2019
Arbresh Info

Interi ka fituar ndeshjen shumë të rëndësishme në Ligë të Kampionëve ndaj Borussia Dortmundit.

“Nerazzurrët” kanë siguruar tri pikë në San Siro ndaj skuadrës gjermane në takimin e zhvilluar në kuadër të xhiros së tretë në fazën e grupeve në Ligë të kampionëve, shkruan portali arbresh.info.

Ndonëse mysafirët kishin një dominim pak më të madh në fushë, skuadra e Antonio Contes arkëtoi tri pikë të plota me fitore 2 me 0.

Lautaro Martinez realizoi golin e epërsisë në minutën e 22′, ndërsa Antonio Candreva dyfishoi shifrat duke shënuar bukur për 2 me 0 në një kundërsulm të shpejtë.

Martinez kishte rast për të shënuar edhe golin tjetër, por dështoi me goditjen nga pika e bardhë në pjesën e dytë.

Me këtë fitore Interi qëndron në pozitën e dytë në tabelë me katër pikë, aq sa ka edhe Borussa Dortmundi në vendin e tretë me tri pikë më pak se Barcelona si lidere./arbresh.info/