Presidenti Stevo Pendarovski, sot ka deklaruar se kreu shtetëror do të lobojë deri në momentin e fundit që të caktohet datë për nisjen e negociatave me Bashkimin Evropian.

Vendimi përfundimtar i BE-së pritet të mësohet nesër, por edhe në rast të vendimit negativ, Pendarovski thekson se eurointegrimi mbetet opsioni i vetëm për Maqedoninë e Veriut.

“Po bëhet përpjekjet e fundit diplomatike, sepse puna nuk ka mbaruar. Takimi i liderëve të BE-së do të fillojë sot, i cili do të vazhdojë nesër. Zgjerimi është në rendin e ditës nesër rreth mesditës kur duhet të merret një vendim zyrtar. Përpjekjet e fundit po bëhen për formulimet që do të përdoren”.

“Në këtë pikë nuk do të isha i sigurt se kërkesa jonë për të filluar negociatat e pranimit do të refuzohej në mënyrë drastike sepse si kryeministri Zaev ashtu dhe ministrat Osmani dhe Dimitrov dhe unë loboj deri në minutën e fundit për të marrë një formulim që do të vlerësojë vërtet përpjekjet tona në të kaluarën”, tha Pendarovski pasi vizitoi kazermat në Kumanovë.

Ndërsa sa i përket aspektit të sigurisë nëse nuk ka datë nga BE, Pendarovski tha se asgjë drastike nuk do të ndodhë.