Zyrtarët e KQZ-së të prekur nga zarfet e pretenduara si të helmuar janë në gjendje të mirë shëndetësore.

Dymbëdhjetë pacientët janë vizituar nga dr. Basri Sejdiu, drejtor i përgjithshëm i Shërbimit Spitalor dhe Klinik Universitar të Kosovës, Prof. Naser Ramadani, drejtor i Institutit Kombëtar të Shëndetësisë Publike, dr. Lindita Ajazaj-Berisha, ud. drejtoreshë e Klinikës Infektive, raporton arbresh.info

“Dymbëdhjetë pacientët janë në gjendje të mirë shëndetësore. Sipas rezultateve përjashtohet që ka sëmundje infektive”, tha dr. Lindita Ajazaj-Berisha.

Kujtojmë se të shtunën janë shtruar në Qendrën Klinike Universitare zyrtarët nga Qendra e Numërimeve dhe Rezultateve për shkak të kundërmimit të zarfeve që kanë ardhur nga Serbia.

Tashmë me këtë rast është duke u marrë Policia e Kosovës./arbresh.info/