Kombet e Bashkuara janë duke përjetuar deficit prej 230 milionë eurosh dhe mund të përfundojnë pa para deri në fund të muajit, bën të ditur Sekretari i Përgjithshëm Antonio Guterres.

Në një letër drejtuar 37,000 punonjësve në sekretariatin e KB dhe marrë nga agjencia e lajmeve AFP, Guterres tha se “masa shtesë të ndalimit” të paspecifikuara do të duhej të merreshin për të siguruar pagat dhe të drejtat, transmeton portali arbresh.info.

“Shtetet anëtare kanë paguar vetëm 70% të shumës totale të nevojshme për operacionet e rregullta buxhetore më 2019. Kjo përkthehet në mungesë të parave prej 230 milionë eurosh në fund të shtatorit. Ka rrezik të harxhojmë rezervat e likuiditetit tonë deri në fund të muajit”, shkruan ai.

Shtyrja e konferencave, zvogëlimi i shërbimeve dhe kufizimi i udhëtimit vetëm për të nevojshmet mund të jetë e nevojshme për të ulur kostot, tha Guterres.

Guterres kishte raportuar tashmë që vendet anëtare të rrisin kontributet ndaj organit botëror për të parandaluar problemet e fluksit të parave, por ata nuk pranuan, i tha një zyrtari të KB-së AFP-së në kushte anonimiteti.

“Përgjegjësia përfundimtare për shëndetin tonë financiar varet nga vendet anëtare,” tha Guterres.

Duke mos përfshirë atë që paguan për operacionet e paqeruajtjes, buxheti operativ i KB për vitin 2018-2019 është afër 5 miliardë euro, me Shtetet e Bashkuara që kontribuojnë 22%./arbresh.info/