Matoshi priti në takim ambasadoren e re të Francës në Kosovë

16:47 | 24 Shtator 2019
Arbresh.info

Ministri i Mjedisit dhe Planifikimit Hapësinor, Fatmir Matoshi ka pritur në takim njoftues ambasadoren e re të Francës në Kosovë, Marie-Christine Butel, me të cilën biseduan për bashkëpunimin në fushën e mjedisit.

Në takim Ministri Matoshi prezantoi projektet dhe sfidat që Kosova ka një fushën e mjedisit, e ne veçanti në fushën e trajtimit të ujërave të zeza.

Ambasadorja e Francës në Kosovë, Marie-Christine Butel, ripërsëriti përkrahjen e shtetit francëz për Kosovën dhe Ministrinë e Mjedisit për të përmirësuar gjendjen e mjedisit ne vend.

Ministri Matoshi e ambasadorja Butel u dakorduan që të punojmë së bashku në realizimin më të shpejtë të projektit për ndërtimin e impiantit për trajtimin e ujerave të zeza në Prishtinë, projekt ky që do të zgjidhë problemin me ujërat e zeza për kryeqytetin dhe komunat përreth. /arbresh.info