Sejdiu beson se Kosova mund t’ia dalë dhe të kualifikohet në Kampionatin Evropian.

Përfaqësuesja e Kosovës,  ka marrë tri pikë të arta në kuadër të eliminatoreve për “Euro 2020”, duke e mposhtur 2-1 Çekinë në stadiumin “Fadil Vokrri”, me golat e Vedat Muriqit dhe Mërgm Vojvodës

Trajneri i mirënjohur kosovar, Gani Sejdiu, mendon se pas fitores kundër Çekisë, Kosova ka dhënë sinjale se ëndrra për të shkuar në Euro 2020, tani mund të bëhet realitet.

“Pas këtyre rezultateve, ne tani kemi mundësi të besojmë për një kualifikim të mundshëm”, tha Sejdiu në “Arena Sportive”.

“Në Ligën e Kombeve jemi përballur me skuadra më të dobëta, por tani jemi duke treguar se kemi gjasa”. Pas fitores 2-1 kundër Çekisë, Kosova do të udhëtojë të hënën në Angli për t’u përballur të martën me “Tre Luanët”. /Gazeta Express/