Dukej si një veprim spontan kur Vladimir Putin bleu një akullore për liderin në vizitë Recep Tayyip Erdogan.

Por, tani duket se lideri i Kremlinit e kishte të përgatitur këtë pjesë, pasi që del se zonja që i shërbeu thuhet të jetë pjesë e shërbimit të tij të sigurisë, transmeton portali arbresh.info.

Gazetarët rusë kanë vërejtur se shitësja bionde e akulloreve në MAKS-2019 ishte gruaja e njëjtë që i kishte shitur Putinit akullore dy vite më parë në të njëjtën ngjarje.

Shitësit tjerë të akulloreve në këtë ngjarje thonë se nuk e kanë parë më herët apo pastaj gruan.

Tani po qarkullon teoria që ajo është një punonjëse e shërbimit të sigurisë së Putinit që vendoset special kur udhëheqësi ka nevojë për akullore.

Në video shihet Putin duke paguar për akulloret që kushtojnë 210 rubla që në euro i bie 2.86 me një bankënotë prej 5,000 rublash (68 euro), por që sikurse herën e kaluar shitësja nuk ka para të mjaftueshme për t’ia kthyer kusurin.

Ai i tha asaj që t’ia jepte më vonë Ministrit të Ajrit për ‘zhvillimin e aviacionit’./arbresh.info/