Portretizimi në bronz i legjendës së futbollit Fadil Vokrri ka nisur hapat e parë drejt jetësimit.

Ministria e Sportit, ka filluar të mërkurën procedurat për tenderim, për ndërtimin e shtatores së ikonës së futbollit kosovar dhe parkut me emrin e tij.

Ky investim u premtua se do të realizohej në njëvjetorin e vdekjes së ish-sulmuesit të Prishtinës, Partizanit e Fenerbahçes, janë ndarë edhe mjetet financiare. Por, ai nuk u bë.

problemi i vetëm është hapësira se ku do të vendoset tashmë obelisku i Vokrrit, për të cilën Ministria ka bërë kërkesë në komunën e Prishtinës.

Në këtë të fundit thanë përmes postës elektronike se janë në bisedime edhe me Federatën e Futbollit dhe se pas caktimit të lokacionit do të votohet në asamblenë komunale.

Shtëpia kosovare e futbollit e ka të qartë parcelën se ku do të duhej të realizohej ky projekt./klankosova