Pas më shumë se tre orë nga takimi i Këshillit të LDK-se,  kandidatja për kryeministre Vjosa Osmani e cila u zgjodh edhe nënkryetare e LDK-së, bashkë me Lutfi Hazirin i cili do të jetë krahu i djathtë i saj, dolën në një konferencë për media dhe treguan edhe një herë se posti i kryeministrit të Kosovës do t’i takoj vetëm Lidhjes Demokratike të Kosovës.

Lutfi Haziri para mediave tha  se Vjosa Osmani sot ka marrë mbështetje të plotë nga LDK për kryeministre të Kosovës por edhe për nënkryetare të LDK-së.

“Uroj Vjosën si kandidate të LDK-së për kryeministre. Ajo ka marr mbështetjen e plotë me konsensus” tha Haziri

Ndërsa e sapo votuara e LDK-së për kryeministre Vjosa Osmani, tha se ky është një nder i madh për të.

“Është nderi më i madh i jetës time. Në 30 vite LDK ka shkruar historinë e Kosovës. Do te jenë sfida të mëdha” tha Osmani.

Gjithashtu ajo tregoi se kanë votuar kundër çdolloj bashkëpunimi me PDK-në.

“Sot unanimisht kemi votuar kundër koalicion me PDK-në” tha Osmani

Ndërsa postin e kryeministrit ajo tha se do t’i takoj vetëm LDK-së.

“Do te bisedojmë për koalicione parazgjedhore, kemi diskutuar që posti i kryeministrit t’i takoj LDK-së” tha Osmani.

E sa i përket koalicionit me VV ajo tha se do të bashkëpunojnë dhe se VV pavarësisht posteve duhet ti bashkohet LDK-së

“VV duhet ti bashkohet LDK në këtë epokë të re për ndryshime” tha Osmani./Arbresh.info/