Sulmuesi portugez i Juventusit, Cristiano Ronaldo, do të bëhet fqinj i yllit të famshëm të UFC-së, Conor McGregor, pasi që ai e ka blerë një vilë për 1.3 milion funte, në Marbella të Spanjës.

Cristiano Ronaldo, i cili paguhet 31 milionë euro në vit, e ka blerë së fundi një vilë luksoze me katër dhoma në Marbella, duke e shtuar edhe më shumë numrin e shtëpive të tij, të cilat arrijnë vlerën prej 27 milionë funteve, transmeton Gazeta Express.

Ronaldo, 34-vjeçar, i cili vlen plot 365 milionë funte dhe nënshkroi kontratë të përjetshme 800 milionëshe me Nike në vitin 2016, është i njohur për shpenzimet e tij të mëdha.

Së fundi, ai u interesua për vilat tejet moderne në zonën e re të Marbella në Spanjës, të quajtur “The Heights”.

Shtëpia e futbollistit nuk do të jetë menjëherë përballë shtëpisë së luftëtarit irlandez, mirëpo ata do të jenë vetëm disa metra larg njëri-tjetrit, në lagjen e cila është mbushur me shtëpi të yjeve të sportit.