Kalimi i Gareth Bale në Superligën e Kinës ka dështuar, për shkak se Real Madridi e ka anuluar marrëveshjen dhe si rrjedhojë anësori uellsian pritet të mbetet pjesë e klubit spanjoll, raporton BBC.

Anësori 30-vjeçar pritej t’i bashkohej Jiangsu Suning dhe të nënshkruante kontratë trevjeçare me pagë javore në vlerë 1.2 milionë euro, transmeton Gazeta Express.

Javën e kaluar, trajneri i Realit Zinedine Zidane theksoi se Bale ishte pranë largimit nga klubi pasi nuk ishte më i dëshiruar në Santiago Bernabeu. Trajneri francez madje shkoi aq larg saqë tha se largimi i Bale do t’i bënte mirë të gjithëve.

Por, sipas BBC-se, Bale pritet të mbetet në Real tani që marrëveshja për kalimin e tij në Kinë.

Bale iu bashkua klubit spanjoll nga Tottenhami më 2013 për një shumë rekord botëror prej 95 milionë euro në atë kohë.

Ai i ka edhe tri vjet në kontratën e tij aktuale me të bardhët, me të cilët i ka fituar katër trofe në Ligën e Kampionëve, një titull në La Liga, një trofe në Kupën e Mbretit dhe tre trofe në Superkupën e UEFA-s.

Bale i shënoi tri gola, plus një penallti në ekzekutimin e penalltive, në katër finale të Ligës së Kampionëve për Real Madridin, i cili e fitoi këtë garë më 2014, 2016, 2017 dhe 2018. /Gazeta Express/