Ish- anëtari i KQZ-së nga ana e AAK-së, Binak Vishaj i ka kundërshtuar argumentet e PDK-së se nuk ka buxhet KQZ-ja për organizimin e zgjedhjeve.

Ai në një shënim në Facebook ka theksuar se ndarja e buxhetit për zgjedhje është veprim teknik.

Njoftimi i plotë:

Ndarja e buxhetit për zgjedhje është veprim krejt teknik. Për më tepër KQZ-ja që nga shpallja e pamvarësisë vetem zgjedhje të jashtëzakonshme ka organizuar, zgjedhje te rregullta nuk ka organizuar asnjeher deri me tani dhe ndajrja e buxhetit nuk ka qenë problem e nuk mundët të bejë përjashtim as për këto zgjedhje, këtë mund ta bëjë Kuvendi i Republikës së Kosovës.Qe zgjedhjet te jenë kredibile dhe të besueshme KQZ-ja duhet të plotësohet sa më parë, kjo do siguronte zgjedhje te lira transparente fer dhe demokratike me standarde europiane tashmë të arritura nga ana e KQZ-së.