Matt Taylor, regjisor i “Rick & Morty Exquisite Corpse”, ka arritur mbrëmë në Kosovë për herë të parë, dhe po merr pjesë në Festivalin Ndërkombëtar të Filmit të Animuar – Anibar.

Më të arritur në Aeroportin e Prishtinës, mbrëmë pas mesnate ai ka xhiruar një video në të cilën përshendet të gjithë fansat e animacionit në gjuhën shqipe.

“Mirëmbrëma Kosovo”, ishte fjalia e parë që ai tha në Aeroport, derisa ftoi të gjithë adhuruesit e filmit të animuar t’i bashkohen në prezantimin që ai do të mbajë të premten duke filluar nga ora 14:00, në kinemanë “Jusuf Gërvalla” në Pejë.

Matt Taylor është artist po ashtu me origjinë nga Los Angeles, dhe ka mbi një dekadë përvojë në industrinë e animacionit.

Ai punoi në Titmouse Inc. për një pjesë të madhe të karrierës së tij në seri televizive si Metalocalypse, Superjail!, Kina IL, Moonbeam City dhe për serinë fituese të disa cmimeve Emmy, King Star King. Ai po ashtu ka drejtuar një numër projektesh, duke përfshirë “The Rick dhe Morty Exquisite Corpse”.

Matt gjithashtu ka punuar në mënyrë të pavarur, duke krijuar ID të stacionit për Adult Swim dhe animacion për videon muzikore “Cut Chemlight Moonlighting with Biz”. Matt aktualisht punon në Cartoon Netëork si dizajnues karakteresh në “J.J. Villard’s Fairytales”.