Skuadra elitare e Turqisë, Fenerbahçe ka shprehur interesim për shërbimet e mesfushorit të Juventusit, gjermanin Sami Khedira.

Lajmi është bërë i ditur të enjten nga mediumet italiane.

Mësohet se Fenerbahçe tashmë ka kontaktuar Juventusin, duke ofruar rreth dhjetë milionë euro për kartonin e Khediras. 32-vjeçari, ka kontratë me Juventusin deri në vitin 2021, por pritet të largohet nga kampioni i Italisë gjatë kësaj vere për shkak se nuk bën pjesë në planet e trajnerit Maurizio Sarri pas ardhjeve të Adrien Rabiotit e Aaron Ramseyt, transmeton Koha Ditore.

Khedira është pjesë e Juventusit prej vitit 2015 dhe në Serie A ka shënuar 21 gola e ka asistuar nëntë herë në 87 paraqitje. Ai ka fituar katër tituj kampioni të Italisë kurse karrierë ka bërë edhe te Real Madridi e Stuttgarti. Ka edhe 77 paraqitje me Përfaqësuesen e Gjermanisë./koha.net/