Zonja e Parë e SHBA Mishele Obama ka nisur një fushatë sensibilizuese për 62 milionë vajza për një jetë më të mirë e cila do të prekë dhe Shqipërinë. Nëse vajzave nuk u jepet mundësia për të arritur potencialin e tyre e gjithë bota humbet prej kësaj, Ka qenë kjo motoja e fushatës e iniciuar nga Mishele Obama gjatë Festivalit Global Citizen 2015 të mbajtur në Parkun Qëndror të Neë Yorkut .

Zonja e Parë shoqërohet në këtë fushatë nga Beyonce, Malala, Bono dhe disa personalitete të tjera të botës së artit.Fushata është mbarë botërore por në vitin e parë do të përfshije 11 vende si Shqipëria , Benin, Burkina Faso, Kamboxhia, Gjeorgjia, Gana, Moldavia, Mongolia, Mozambimku. Togo dhe Uganda.

Sipas USAID më shumë se 62 milionë vajza , gjysma e të cilave adoleshente u mohohet e drejta për edukim . Po sipas Usaid mungesa e edukimit zvogëlon mundësitë ekonomike të tyre duke I bërë ato më vulnerabël ndaj HIV AIDS , martesave me forcë dhe në moshë të vogël apo dhe formave të tjera të dhunës.

Fushata inkurajon këdo për të postuar fotot e tyre në Instagram dhe Twitter shoqëruar me mesazhin se cfarë kanë mësuar në shkollë, gjë të cilën shumë vajza në botë nuk e kanë mundësi. Fushata shoqërohet me nje foto të Mishele Obama në twitter me mesazhin “Në shkollë kam mësuar të flas për veten , 62 milionë vajza nuk e kanë këtë mundësi”.