Gjermania arreston një boshnjak për sulmet e Parisit të 2015

A woman watches victims in the 10th district of Paris, Friday, Nov. 13, 2015. At least 35 people were killed Friday in shootings and explosions around Paris, many of them in a popular concert hall where patrons were taken hostage, police and medical officials said. (AP Photo/Jacques Brinon)

20:37 | 27 Qershor 2019
Arbresh.info

Autoritetet Gjermane thonë se kanë arrestuar një boshnjak të shpallur në kërkim nga Belgjika në lidhje me sulmet ekstremiste të vitit 2015 në Paris.

Prokurorët e Dresden thanë të enjten se i dyshuari, një 39-vjeçar të cilin ata nuk e identifikuan, u arrestua një javë më parë.

Prokurorët u shprehën se dyshohet që i arrestuari është i lidhur me sulmet e Parisit dhe kërkohet nga autoritetet belge për mbështetjen e një organizate terroriste.

39-vjeçari u urdhërua të mbahej në paraburgim në pritje të ekstradimit të mundshëm nga një gjykatë në qytetin lindor të Merseburg.

Ekstremistët islamikë sulmuan disa objektiva në Paris më 13 nëntor 2015, duke përfshirë sallën e muzikës Bataclan, duke vrarë 130 njerëz.