Drejtori i të ashtuquajturës ‘Zyra për Kosovën’ në Qeverinë e Serbisë, Marko Gjuriq, ka thënë sot se dialogu ndërmjet Kosovës dhe Serbisë është i domosdoshëm, por ai mund të rifillojë vetëm nëse hiqet taksa.

Këto deklarimet Gjuriq i ka bërë në një takim me zëvendës drejtorin e Përgjithshëm për Çështje politike në Ministrinë e Punëve të Jashtme të Italisë, Diegol Brasoli, shkruan ‘Danas’, transmeton Gazeta Express.

Gjuriq ka thënë se këto vendime të një anshme të Prishtinë ia kanë mbyllur rrugën dialogut të Brukselit.

“Lëvizjet e një anshme dhe taktikat e Prishtinës ia kanë mbyllur dialogun dhe kanë minimizuar çdo mundësi për t’u ulur në tryezën e negociatave”, ka potencuar ai.

Sipas Gjuriqit, këto veprime të Prishtinës janë një burim i përhershëm i destabilizimit të rajonit.

“Sjellja e papërgjegjshme e Prishtinës është një burim i përhershëm i paqëndrueshmërisë në rajon”, ka thënë ndër të tjera ai./GazetaExpress/