Carla Bruni viziton për herë të parë Shqipërinë

08:24 | 8 Qershor 2019
A. B.

Modelja si dhe këngëtarja e njohur Carla Bruni po vjen në Shqipëri.

Këtë e ka bërë të ditur ambasada e Shqipërisë në Francë, shkruan portali arbresh.info.

Ajo do këndojë në “Ditën e Festës së Muzikës”, ndërsa koncerti do të mbahet më 21 qershor në teatrin e Butrintit.

Përmes një videoje, Bruni përshëndeti të gjithë shqiptarët si dhe konfirmoi se po vjen në Shqipëri.

https://www.facebook.com/AlEmbParis/videos/1382375091911179/?t=0

“Përshëndetje të gjithëve në Shqipëri. Doja t’ju thoja që quhem Carla Bruni dhe që do të këndoj për ju Ditën e Festës së Muzikës, në teatrin e vjetër të Butrintit në orën 21:00 dhe shpresoj që do të jeni atje”, tha këngëtarja, teksa po i binte kitarës.

Ndryshe, Bruni është bashkëshortja e ish-presidentit të Francës, Nicolas Sarkozy. / arbresh.info/