Loredana paralajmëron këngën e re: Baba pusho i qetë! Unë do të bëj krenar

09:20 | 5 Qershor 2019
A. B.

Reperja shumë e përfolur së fundmi, Loredana Zefi së shpejti do të sjellë një këngë të re.

“Labyrinth” titullohet kënga dhe klipi i saj më i ri, xhirimet e së cilit janë kryer në Kosovë, shkruan portali arbresh.info.

Kjo këngë është një dedikim për babain e saj i cili javën e kaluar ndërroi jetë, këtë e ka bërë të ditur vetë artistja përmes një postimi në rrjetin sociale “Instagram”.

Ajo ka publikuar në InstaStory disa fotografi paralajmëruese të klipit, në mbishkrimin e së cilave ka shkruar se do ta bëjë krenarë sa më shumë të mundet babanë.

“Babë, falënderoj Zotin që të paktën të la të shijoje fillimin e suksesit tim…e tani e tutje do i jap edhe një herë më shumë mund vetëm për shpirtin tënd…Pusho i qetë! Unë do të bëj krenar”, ka shkruar Loredana në mbishkrimin e fotografisë. /arbresh.info/