Xhavit Haliti, themelues i PDK, Nënkryetar i përhershëm i Parlamentit, është bërë Kryetar i Degës së PDK’së në Pejë. E ka mundur grupin e Adem Grabovcit. Për këtë garë ka pasur edhe rrahje në disa degë të PDK’së atje

Përkrahësit e Adem Grabovict kanë mbetur jashtë udhëheqjes së Degës së PDK’së në Pejë.

Aty, Kryetar është bërë Xhavit Haliti, i cili është themelues i PDK’së dhe i UÇK’së.

Kur e pati shpallur kandidaturën, Xhavit Haliti, kishte thënë se Peja do të jetë Kryefjala e Dekadës së re.

“Unë besoj fuqishëm se pas një pune të madhe të përbashkët në terren, që kemi bërë këto ditë, ku për herë të parë janë themeluar mbi 50 nëndegë, PDK-ja në Pejë do të jetë më unike, më e besuar, si dhe më e votuar se sa ndonjëherë më parë nga qytetarët”, kishte thënë ai.